iPhone 5S規格曝光 改熒幕面板技術

iPhone 5S規格曝光 改熒幕面板技術 獨眼香江 紀曉風 iPhone 5自推出以來，雖然沒有太大好評，但仍然有嚴重缺貨問題，除了有不少人貪iPhone 5比較薄而換機外，另一個原因，那是iPhone 5採用了新的觸控板技術，雖然令iPhone 5變得更薄，但由於觸控板感應元件與熒幕顯示元件之間互相干擾嚴重，故生產過程一直未能夠成熟至作穩定的零件供應，因此影響電話產量，出現供不應求的現象。 在喬布斯年代，由於教主對完美的追求，蘋果寧願任由缺貨現象發生，都不會輕言改變機件規格。只不過新人事新作風，CEO換了庫克上場，他似乎比較在乎缺貨對iPhone銷情造成的負面影響，據悉為令熒幕供應更穩定，他正秘密與觸控板生產商傾談，更改規格設定，好能盡快推出新的iPhone 5S，以應付市場的需求。 iPhone 5S將採用的技術，除了比較成熟，零件供應也穩定。 現時iPhone 5有觸控板手感不夠順的問題，故引來用戶的怨言。如果純粹零件供應不夠穩定，蘋果都未必有藉口快快推出iPhone 5S，但用戶體驗不佳，對蘋果來說，就肯定是一大問題，這亦讓庫克有藉口盡快推出新機來「止血」。 iPhone 5現時是使用內嵌式（in cell）觸控面板，但因良率不佳，故在5S上，將用單片式玻璃（OGS）觸控面板，只不過，用比較成熟的技術卻是有代價的，在新技術下的熒幕零件，會比現有技術略厚一點，換言之iPhone 5S會不會跟現在那麼纖薄成疑，對部分用戶而言，確有人可能寧願繼續用iPhone 5。 由於傳聞蘋果很快推出iPhone 5S，老紀就提醒想用比較薄的iPhone 5之用家，最好快快買機。 iPhone 4和4S可以當平機來賣，但iPhone 5昨日在預訂時開放「賣大包」任訂，似乎意味機價不大可能像過去般企硬。 信報 6 Dec 2012

iPhone 5傳用4吋屏幕 中環解密 凌通 蘋果教主喬布斯去世之前只係留低iPhone 4S，真正嘅主角iPhone 5【坊間假想圖】唔單止無官方消息，甚至連相關嘅坊間八卦都無乜，真係可以話神秘至極。前日，有外國網站話有可靠消息透露，iPhone 5將喺今年夏季推出，而且體積變大到4吋，相信呢啲消息已經夠令全球幾億蘋果迷望梅止渴。 專門講關於蘋果產品資訊嘅網站9to5mac.com，喺前日發出一條消息，話根據中國一名富士康員工嘅可靠消息，iPhone 5已經準備量產，而且估計會喺今年嘅全球開發者大會（WWDC）上推出。 iPhone 4S同iPhone 4喺外形上無任何分別，對追求「潮」外型嘅蘋果迷嚟講可謂相當失望。但係可靠消息話，iPhone 5嘅外型將會大變，顯示屏嘅尺寸將由以往嘅3.5吋增加到4吋，即係幾乎同Galaxy Note咁大，而機殼嘅線條一樣維持「四平八穩」，絕非坊間盛傳嘅「淚滴型」設計。網站又調查蘋果迷嘅意見，直到噚晚10點，有10877人支持iPhone 5用4吋屏幕，佔45.97%；亦都有26.34%嘅人支持iPhone 5嘅屏幕輕微變大到3.7吋，總之大部分蘋果迷都覺得「大就是美」。 zero@hkej.com 信報